Тайлбар: Хятадын нийгэм, эдийн засгийн гол тэнхлэг нь Бээжингээс Урумчи хүрэх зүүнээс баруун чиглэлтэй байдаг. хэдэн мянган жилийн туршид баруун тийш шууд явах замыг элсэн цөл хааж байсан тул урагш чиглэсэн тойруу зам болох Торгоны замыг ашигладаг байсан нь Хятадуудыг хурдны болон төмөр зам, ус цахилгааны шугамаа энэ замын дагуу барихад хүргэжээ. Гэвч өөрчлөх цаг ирж, Хятадууд Хамигаас Линхе хүрэх 1000 километрийн урттай товчилсон замыг бариад байна. Энэ зам олон улсын стандартад нийцсэн хоёр урсгалтай хос цагаан зам, ачаа болон хүн тээвэрлэхэд зориулагдсан өндөр хурдны хос замтай төмөр замаас бүтэж байгаа юм. Эдгээр замууд нь ойрын ирээдүйд Хятадын хамгийн гол зам болох ба Өмнөговь, Баянхонгор, Говь-Алтай, Ховд аймгуудын дагуух хилийн шугамыг 30-100 километрийн алслалттайгаар дагаж байгаа юм. Шинээр тавигдаж буй зам орчмын суурин газруудын эдийн засгийн өсөлтийн тухай яригдаж байгаа бөгөөд маш их өөрчлөлт авчрах болно. Бээжин эсвэл Урумчи хүрэх нь Улаанбаатар орохоос хурдан, Европоос Урумчигаар дамжуулан бараа татах нь Оросоор дамжуулснаас илүү богино зам туулж, хямд тусах болно.

Үүнээс гадна Монголын эдийн засаг тээвэр, уул уурхай, цахилгааны шугам, хүнс, бараа, аялал жуулчлал гээд бүхий л зүйлсээрээ Хятадтай нарийн нягт холбоотой болох юм. Одоо болж буй нөхцөл байдлаас үзвэл Хятад Монголын эдийн засгийн нэгдмэл байдал нийгмийн бодлого зохицуулагчид болон олон улсын доноруудаар хэлүүлэлтгүйгээр аяндаа болох зүйл.
Үүнийг эсэргүүцэх нь Монголын талд жинхэнэ аюулыг харин эсэргүүцэхийг зөвлөгч нарт муу нэрийг авчрах юм.

Удахгүй бодитой болох шинэ ирээдүйг үгүйсгэн Мянганы зам, Өрнийн хэрмэл замын тухай ярих нь Титаник дээрх дандаа л тоглогдож байдаг хуучин аялгууг санагдуулам өөрийгөө устгаж байгаа хэрэг мөн.

Аажим аажмаар ил болж буй бодит байдалд үзүүлэх хариу үйлдэл нь Говьд нааш цааш сүлжилдэх нүүрс ачсан вагонуудыг хаяглах асуудлыг өөрсдөө үүсгэн тэрэндээ санаа зовох болоод байна.